Þegar dóttirin reyndi, við annan mann, að komast inn heima hjá Shannon til að kanna hvort Heather væri þar, vildi hún ekki leyfa þeim það og sagði að Heather væri farin.
Þann 4. júlí hafði Shannon samband við dótturina og bað hana um að koma og sækja eigur Heather. Dóttirin fór þangað ásamt vini sínum. Þegar þangað var komið vildi Shannon ekki leyfa þeim að fara út á veröndina við húsið. Dóttirin og vinur hennar fundu megnan óþef leggja frá veröndinni og létu lögregluna vita af því.
Lögreglumenn fóru heim til Shannon næsta dag og veitti hún þeim heimild til að leita í húsinu. Þeir sáu Shannon henda teppi yfir eitthvað á veröndinni. Þegar þeir kíktu undir teppið fundu þeir rotnandi líkamsleifar Heather.
Þegar rætt var við nágranna, sögðust þeir hafa heyrt byssuskot bæði 28. og 30. júní.
Lögreglan fann mörg skotvopn við leit í húsinu.
Shannon var handtekin og játaði að hafa sent Heather textaskilaboð þar sem hún hafði í hótunum um að drepa hana.
Krufnin leiddi í ljós að Heather hafði verið skotin mörgum skotum. Sérfræðingar staðfestu síðar að skotunum hafði verið hleypt af úr einni byssu Shannon.
Shannon var dæmd í 30 ára fangelsi í síðustu viku eftir að hún hafði játað sök fyrir dómi.
