Sængin er bara svo þung, augnlokin virðast vera límd saman og fæturnir virka eiginlega bara ekki. Mánudagsveiki á borð við þessa getur lagst á fólk alla daga vikunnar en hún á oft rætur að rekja til of stuttra helgarfría. Það þarf því að finna upp góða afsökun fyrir að tilkynna veikinda á vinnustaðnum. Þær eru örugglega oftast misgóðar og trúverðugar en sumar eru eiginlega klikkaðri en aðrar.

Hér á eftir nefnum við nokkrar klikkaðar afsakanir eða ástæður fyrir veikindatilkynningum til sögunnar en notendur Reddit skýrðu frá þessu í umræðum um þetta efni.

„Ég sagðist vera veikur en í raun var ég að fara að sækja fyrsta hvolpinn minn.“

„Ég tók veikindadag til að klára að horfa á Stranger Things á Netflix.“

„Ég kom í vinnu og fattaði að ég var í mismunandi skóm, einn brúnn og einn svartur. Ég sagðist vera með höfuðverk og fór heim.“

„Ég tilkynnti mig veika í gær og aftur í dag. Ég þurfti ekki að vera í veikindafríi i dag en ég vildi ekki taka áhættuna á að yfirmaðurinn minn teldi mig vera að skrópa í vinnu.“

„Hiksti! Vinnufélagar mínir gerðu grín að mér en mér leið ömurlega. Ég hafði verið með hiksta í rúman sólarhring. Ég gat ekki sofið og mér var svo illt í maganum sem herptist saman á hverri mínútu.“

„Ég var heima að leika við köttinn minn.“

„Óafvitandi borðaði ég fullan poka af hægðalosandi sælgæti. Þetta var skítaupplifun.“

„Ég átti engin hrein nærföt til að fara í þennan dag. Ég var því heima og þvoði tvær fullar vélar.“

„Ég var að stunda kynlíf með kærastanum mínum. Hann tók mig aftanfrá. Hann rann til og limurinn fór inn í endaþarminn. Ég hef aldrei verið hrifin af endaþarmsmökum svo mér brá mikið. Ég tilkynnti mig veika næsta dag því það blæddi aðeins en ég sagðist vera með bakverk.“