Þreyttur? Orkulítill? Hausinn þungur skömmu eftir hádegi? Þetta hafa margir upplifað en í staðinn fyrir að fá sér kaffibolla eða eitthvað sætt til að takast á við þetta, þá er hægt að ná sér í náttúrulega orku með því að fá sér ákveðnar matvörur.
Meðal þeirra eru:
Bananar – Þeir eru orkustöng náttúrunnar. Fullir af kolvetnum, kalíum og B6-vítamíni. Allt hjálpar þetta líkamanum að breyta mat í orku. Banani er fullkominn máltíð fyrir æfingu eða sem nasl á milli mála.
Egg – Egg færa okkur prótín og langvarandi orku. Harðsoðið egg færir okkur gæðaprótín og hollar fitur sem koma jafnvægi á blóðsykurinn og halda þér gangandi lengi. Það er frábært að borða egg að morgni eða í hádeginu.
Möndlur – Þessar litlu hnetur innihalda mikið af magnesíum, prótíni og góðum fitusýrum, sem örva orkunotkunina. 10-15 stykki er allt sem þarf.
Haframjöl – Hægfara orka sem virkar. Sambland af flóknum kolvetnum og trefjum gerir að verkum að orkan losnar hægt og bítandi úr læðingi. Bættu smávegis af ávöxtum og hnetum við og þú ert kominn með orkusprengju.
Grísk jógúrt með hunangi – Þetta er prótínríkur og mettandi matur sem inniheldur smávegis af náttúrulegum sykri sem færir þér skjóta orku. Þetta er fullkomið fyrir fund eða langan eftirmiðdag.
Epli með hnetusmjöri – Epli veita skjóta orku með náttúrulegum sykri en hnetusmjörið kemur jafnvægi á þetta með fitu og prótíni. Blandan færir þér hraða og viðvarandi orku.
Dökkt súkkulaði (minnst 70%) – Smávegis dökkt súkkulaði, einn eða tveir molar, geta aukið blóðflæðið og valdið kikki sem líkist koffínkikki. Súkkulaðið inniheldur einnig magnesíum og andoxunarefni.
