Síðan í ágúst síðastliðnum hefur hann unnið fyrsta vinning í þrígang í WCLC-lottóinu í Kanada. Hefur hann unnið samtals tæplega 230 milljónir króna í þessum þremur útdráttum. Áður en að þessu kom hafði hann einu sinni áður unnið þann stóra, en það var fyrir mörgum árum.
Hann fékk heppnina í lið með sér í ágúst í fyrra þegar hann vann 45 milljónir króna í lottóinu, í nóvember vann hann svo 91 milljón króna og í maí síðastliðnum vann hann svo aftur 91 milljón. Hann segist hafa keypt síðasta vinningsmiðann á bensínstöð skammt frá heimili sínu, greip hann miða með sér þegar hann fyllti á bílinn.
Það er ekki hægt að segja að líkurnar hafi verið með Serkin í liði og er bent á það í frétt NOW Toronto að líkurnar á vinningnum í ágúst í fyrra hafi verið einn á móti 33,3 milljónum.
Serkin segist hafa spilað í lottóinu frá árinu 1982, aðallega til gamans, en hann vann fyrst rúmar 22 milljónir króna fyrir rúmum áratug. Hann ætlar að fagna þessum síðasta vinningi með því að bjóða eiginkonunni með sér til Nýfundnalands.
