Þú skelltir kannski í þig kaffi til að takast á við þetta og komst í gegnum daginn þrátt fyrir mikla þreytu og litla orku.
En þreytan snýst ekki bara um hversu lengi þú sefur, það skiptir líka máli hvenær þú vaknar. Þetta kemur fram í umfjöllun EVZ sem segir að niðurstöður breskrar rannsóknar bendi til að það geti skipt mjög miklu máli fyrir orkustig okkar, hvenær við vöknum.
Segja höfundar rannsóknarinnar að „hinn fullkomni háttatími“ sé háður því hvenær þú vilt vakna.
Sem dæmi má nefna að ef þú vilt vakna fersk(ur) sem örn klukkan 07.00 þá ættirðu að fara að sofa í síðasta lagi klukkan 21.46 og alls ekki síðar en 23.16.
Aldurinn ræður för
Ungt fólk hefur þörf fyrir meiri svefn en eldra fólk og því hefur það tilhneigingu til að fara seint í rúmið og sofa lengi.
Þegar við eldumst byrjar líkaminn að framleiða svefnhormónið melatónín fyrr á hverjum sólarhring. Þetta hefur þau áhrif að við vöknum snemma, alltof snemma að margra mati.
Hér fyrir neðan er listi yfir hvenær það er best fyrir hina ýmsu aldurshópa að vakna:
20-24 ára: klukkan 09.30
25-34 ára: klukkan 08.30
35-44 ára: klukkan 08.00
45-54 ára: klukkan 07.30
55-64 ára: klukkan 07.00
65-74 ára: klukkan 06.30
75 ára og eldri: klukkan 05:45
Svona er hægt að bæta svefngæðin óháð aldri
Það er hægt að bæta svefngæðin á ýmsan hátt. Aðalatriðið er að vera með fastan dægurrytma, sem sagt að fara í háttin og á fætur á sama tíma á hverjum degi.
Það er einnig sterkur leikur að sleppa því að neyta koffíns og áfengis seint á kvöldin því það getur haft áhrif á svefninn.
Hreyfing og takmarkaður skjátími seint á daginn og kvöldin, getur einnig haft jákvæð áhrif á svefninn.
