fbpx
Föstudagur 23.maí 2025
Pressan

Kenningu varpað fram um slysið sem varð fimm manna fjölskyldu að bana

Pressan
Föstudaginn 11. apríl 2025 10:15

Ekki missa af Helstu tíðindum dagsins í pósthólfið þitt

Lesa nánar

Fimm manna fjölskylda var um borð í þyrlu sem hrapaði í Hudson-ánni í New York og létust þau öll, auk flugmanns þyrlunnar.

Slysið varð um miðjan dag í gær að staðartíma, en um borð í þyrlunni voru hjónin Agustín Escobar og Merce Montal auk þriggja ungra barna þeirra. Flugmaðurinn sem lést var 36 ára.

Agustín var forstjóri raftækjaframleiðandans Siemens á Spáni og hafði fjölskyldan flogið frá Barcelona til New York í gærmorgun til að skoða borgina. Eitt þeirra fyrsta verk eftir komuna var að fara í útsýnisferð yfir borgina sem endaði með fyrrgreindum afleiðingum.

Myndband sem sýnir slysið þykir varpa ákveðnu ljósi á hvað gerðist, en talið er að þyrluspaði hafi losnað með þeim afleiðingum að hann klippti stél vélarinnar í sundur.

Þessari kenningu varpar Jim Brauchle, lögfræðingur og fyrrverandi herflugmaður, fram í viðtali við DailyMail.com. Hann hefur áður tekið að sér mál aðstandenda fórnarlamba sambærilegra slysa í New York.

Á myndbandinu sést spaðinn hringsnúast í loftinu og lenda í ánni skömmu eftir að þyrlan brotlenti.

Michael Roth, eigandi fyrirtækisins sem sér um þyrluflugið, segir að flugmaðurinn hafi látið vita að eldsneyti væri af skornum skammti. „Hann sagðist þurfa að lenda þar sem hann vantaði eldsneyti og það hefði átt að taka hann þrjár mínútur að koma inn. En 20 mínútum síðar var hann ekki kominn,“ segir hann.

Hann tekur undir kenningu Jims um orsök slyssins en tekur þó fram að rannsókn þurfi að fara fram á slysinu.

Myndir voru teknar af fjölskyldunni rétt áður en hún steig upp í þyrluna og á henni má sjá hjónin brosandi ásamt þremur börnum sínum. Vélin hafði verið í loftinu í um sextán mínútur áður en hún brotlenti.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Hvað þýðir „8647“ eiginlega? – Ekki það sem stuðningsfólk Trump segir

Hvað þýðir „8647“ eiginlega? – Ekki það sem stuðningsfólk Trump segir
Pressan
Fyrir 3 dögum

Er Elon Musk gleymdur og grafinn í huga Donald Trump? – „Hann er búinn að vera, hann er farinn“

Er Elon Musk gleymdur og grafinn í huga Donald Trump? – „Hann er búinn að vera, hann er farinn“
Pressan
Fyrir 3 dögum

Sprenging við frjósemisstöð var hryðjuverk – Einn lést

Sprenging við frjósemisstöð var hryðjuverk – Einn lést
Pressan
Fyrir 3 dögum

Lögðu hald á 1,2 tonn af kókaíni og 705 kg af metamfetamíni um borð í skipi

Lögðu hald á 1,2 tonn af kókaíni og 705 kg af metamfetamíni um borð í skipi
Pressan
Fyrir 4 dögum

Bara ein sturta á viku! – Þetta eru áhrifin á húðina

Bara ein sturta á viku! – Þetta eru áhrifin á húðina
Pressan
Fyrir 4 dögum

Eru rottur að gera þér lífið leitt? Svona er hægt að hrekja þær úr garðinum

Eru rottur að gera þér lífið leitt? Svona er hægt að hrekja þær úr garðinum