Þrátt fyrir að það sé oft ekki neitt sérstakt áhyggjuefni að missa hár, þá getur það stundum verið merki um heilsufarsvandamál og þá er mikilvægt að leita til læknis. Tímabundinn hármissir getur verið afleiðing af stressi, sjúkdómum, járnskorti, þyngdartapi eða aukaverkanir af krabbameinsmeðferð.
Dr. Suhail Alam, sérfræðingur í hárígræðslum og forstjóri Aventus Clinic, mælir með fæðu sem inniheldur mikið af næringarefnum á borð við bíótíni, járni, sinki og omega-3 fitusýrum til að örva hárvöxtinn og koma í veg fyrir að hárið þynnist.
Hér fyrir neðan er listi yfir nokkur matvæli sem styrkja hárið:
Ostrur – Þær innihalda 16,6 mg af sinki í hverjum 100 grömmum og eru ein besta uppspretta þessa mikilvæga steinefnis. Sinkskortur veldur hármissi, því sink gegnir lykilhlutverki í starfsemi hársekkjanna.
Lax – Hann inniheldur um 2,3 grömm af omega-3 fitusýrum í hverjum 100 grömmum. Þetta styrkir hársvörðinn og dregur úr bólgum sem geta valdið hármissi.
Egg – Þau innihalda um 12,5 grömm af prótíni og 25 µg bíótín í hverjum 100 grömmum. Þessi efni styrkja hárið.
Spínat – Það inniheldur um 2,7 mg af járni og 28 mg af C-vítamíni í hverjum 100 grömmum. Þetta styrkir upptöku járns og styrkir hárið. Spínat inniheldur einnig fólat og A-vítamín sem styrkja hársekkina.
Þess utan mælir Alam með neyslu á grískri jógúrt, sætum kartöflum, papriku og þangi til að styrkja hárið og vinna gegn hármissi.
