Þetta er meðal þess sem snjallúrin geta sagt okkur og með hverju árinu bætist við möguleikana til að fylgjast með svefni. Úrin geta líka sagt okkur ýmislegt um hvað við gerum yfir daginn.
En það eru vísbendingar um að ákveðin óvissa sé tengd þessum mælingum. Jakob Eg Larsen, lektor við stærðfræði- og tölvudeild danska tækniháskólans, sagði í samtali við Berlingske að ákveðnar svefntölur í úrunum séu betri en aðrar. „Rannsóknir sýna mismunandi nákvæmni þegar úrin eiga að greina svefnstigin. Þau eru betri í að leggja mat á hvort maður sofi eða ekki,“ sagði hann.
Úrin, og önnur álíka snjalltæki, mæla svefninn í fjórum svefnstigum – vakandi, léttur svefn, djúpur svefn og draumsvefn (REM-svefn). Þessir fasar fara eftir hringrás nokkrum sinnum yfir nóttina. Venjulega fimm til sex sinnum.
Það getur verið erfitt að lesa í svefnstiginn því framleiðendur snjalltækjanna skýra ekki frá hvernig þau komast að niðurstöðunni. Það getur því verið munur á milli framleiðenda.
Larsen sagði mjög líklegt að ef maður sofi með snjallúr, frá sitthvorum framleiðandanum á hvorri hönd, þá verði niðurstaða tækjanna ekki sú sama hvað varðar svefninn.
