Ummæli hans fóru mjög illa í almenning sem glímir við síhækkandi matvælaverð. Það sem ráðherrann sagði var að hann hefði „aldrei þurft að kaupa hrísgrjón“ og væri það gjöfum stuðningsmanna að þakka.
The Independent skýrir frá þessu og segir að afsögnin auki þrýstinginn á Shigeru Ishiba, forsætisráðherra, sem hefur átt undir högg að sækja í vinsældakönnunum. Stuðningur við hann mælist nú aðeins 27,4% og er það rakið til veikburða viðbragða ríkisstjórnar hans við hækkandi matarverði.
Þegar Eto ræddi við fréttamenn um málið sagðist hann hafa afhent Ishiba afsagnarbréf sitt því „ég lét mjög svo óviðeigandi ummæli falla á sama tíma og almenningur þjáist vegna hækkandi hrísgrjónaverðs“.
Verðhækkanir á hrísgrjónum má rekja til lélegrar uppskeru og mikillar eftirspurnar frá ferðamönnum.
