Óvenjuhátt hitastig í blöndu við veikingu El Nino veðurfyrirbærisins gæti orðið til þess að fleiri öflugir fellibyljir myndist á þessu ári en í meðal ári. Ekki er útilokað að allt að 25 fellibyljir myndist í Atlantshafi á árinu að mati NOAA, National Oceanic and Atmospheric Administration.

Live Science skýrir frá þessu og segir að aldrei fyrr hafi NOAA spáð svo mörgum fellibyljum á einu tímabili, eða 17 til 25 svo stórum fellibyljum að þeir fá nafn. Samkvæmt spánni verða 13 fellibyljir þar sem vindhraðinn er 119 km/klst eða meira en fjórir til sjö verða stóri fellibyljir þar sem vindhraðinn er 179 km/klst eða meira.

Rick Spinrad, forstjóri NOAA, sagði á fréttamannafundi að fellibyljatímabilið að þessu sinni stefni í að verða mjög óvenjulegt hvað varðar fjölda fellibylja og að 2024 stefni í að verða sjöunda árið í röð þar sem fjöldi fellibylja er yfir meðallagi.

Í meðalári fá 14 fellibyljir nafn, sjö þeirra eru fellibyljir og þrír stórir fellibyljir að sögn NOAA. 2020 er það ár sem flestir fellibyljir mynduðust en þá fengu 30 slíkir nafn.

Vísindamenn hafa uppgötvað að loftslagsbreytingarnar gera að verkum að mun líklegra er að fellibyljir myndist núna en á níunda áratugnum. Ástæðan er að hlýrri sjór gerir að verkum að fleiri fellibyljir myndast. Þeir stækka hraðar og verða öflugri.