Kona ein, sem lenti í þeirri skelfilegu lífsreynslu í janúar að vera nauðgað, sýndi mikið snarræði með því að kveikja á hljóðupptökunni á snjallúri sínu. Hún tók það upp sem fram fór á meðan ofbeldismaðurinn nauðgaði henni og það varð honum að falli.

Á fimmtudaginn dæmdi dómstóll í Holbæk í Danmörku 46 ára karlmann í tveggja ára fangelsi fyrir að hafa nauðgað konunni og var upptakan meðal þeirra sönnunargagna sem lögð voru fyrir dóminn.

Saksóknaraembættið á Mið- og Vestur-Sjálandi skýrði frá þessu í færslu á samfélagsmiðlinum X.

Fram kemur að maðurinn hafi tekið sér umhugsunarfrest til að ákveða hvort hann muni áfrýja dómnum. Hann var úrskurðaður í gæsluvarðhald strax eftir að dómurinn var kveðinn upp.