fbpx
Föstudagur 12.apríl 2024
Pressan

Keyptu draumahúsið en geta ekki flutt inn – „Þetta er algjör martröð“

Pressan
Þriðjudaginn 5. mars 2024 04:30

Ekki missa af Helstu tíðindum dagsins í pósthólfið þitt

Lesa nánar

Í október á síðasta ári keyptu hjónin Susana og Joseph Landa, sem eru bæði 68 ára, sér draumahúsið sitt í rólegu hverfi í Douglaston í New York borg. En þau fengu óvæntan „glaðning“ með húsinu.

„Glaðningurinn“ er hinn 32 ára Brett Flores sem þvertekur fyrir að flytja út úr húsinu og skiptir þá engu að Landa-hjónin hafa keypt það. Ástæðan fyrir þvermóðsku hans er að í New York eru lög í gildi sem kveða á um að ekki sé hægt að henda „hústökufólki“ út ef það hefur búið í húsinu eða íbúðinni í meira en 30 daga. Af þeim sökum geta hjónin ekki losnað við Flores.

Hjónin segja að sú staða sem er uppi sé hrein martröð að sögn New York Post.

Þau greiddu tvær milljónir dollara fyrir húsið en það svarar til um 280 milljóna íslenskra króna.

Hjónin hafði hlakkað til að flytja inn í húsið og njóta síðustu æviáranna þar ásamt syni sínum, Alex, sem er þroskaheftur. Húsið er nærri heimili hins sonar þeirra og það skipti þau miklu máli því þá hefur Alex alltaf ættingja nálægt. „Ég vil bara vita að ég get dáið á morgun og Alex er nálægt bróður sínum,“ sagði Susana Landa í samtali við New York Post.

Brett Flores var ráðinn af fyrri eiganda hússins til að sinna starfi húsvarðar. Þegar eigandinn lést í ársbyrjun 2023 bjó Flores áfram í húsinu og segist hafa heimild til að búa þar. Hann hefur meira að segja leigt herbergi í húsinu út til karla, kvenna, para, fjölskyldna og námsmanna sem hafa leitað að leiguhúsnæði.

Landa-hjónin hafa reynt ýmisleg til að losna við Flores og hafa dregið hann fimm sinnum fyrir dóm en án þess að hafa náð þeim árangri sem þau vildu. En þau hafa ekki gefist upp og hafa nú stefnt honum fyrir sérstakan leigurétt í þeirri von að geta látið bera hann út.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Nýtt app gerir fólki kleift að tilkynna um ólöglegar lagningar og fá greitt fyrir

Nýtt app gerir fólki kleift að tilkynna um ólöglegar lagningar og fá greitt fyrir
Pressan
Fyrir 3 dögum

Setti upp falda myndavél til að sanna að konan væri „löt og einskis virði“ – Heimtaði skilnað og vorkunn en málið snerist í höndunum á henni

Setti upp falda myndavél til að sanna að konan væri „löt og einskis virði“ – Heimtaði skilnað og vorkunn en málið snerist í höndunum á henni
Pressan
Fyrir 5 dögum

Faldi birgðir af pasta í Met til að gæða sér á milli aría

Faldi birgðir af pasta í Met til að gæða sér á milli aría
Pressan
Fyrir 5 dögum

Dönsk yfirvöld búa sig undir næsta heimsfaraldur og auka viðbúnað sinn

Dönsk yfirvöld búa sig undir næsta heimsfaraldur og auka viðbúnað sinn
Pressan
Fyrir 5 dögum

Segja að merki um krabbamein geti sést mörgum árum áður en einkenni gera vart við sig

Segja að merki um krabbamein geti sést mörgum árum áður en einkenni gera vart við sig
Pressan
Fyrir 6 dögum

Kaffidrykkja getur hugsanlega komið í veg fyrir krabbamein

Kaffidrykkja getur hugsanlega komið í veg fyrir krabbamein
Pressan
Fyrir 6 dögum

„Við viljum gjarnan skjóta þá alla“ – Sístækkandi hópur veldur áhyggjum

„Við viljum gjarnan skjóta þá alla“ – Sístækkandi hópur veldur áhyggjum