Mark Merchikoff var handtekinn í júlí á síðasta ári í San Mateo í Kaliforníu, grunaður um að haf stungið Claribel Estrella til bana og að hafa birt myndband af morðinu á Facebook. Hann hefur nú verið ákærður fyrir morð en þegar hann kom fyrir dómara í ágúst neitaði hann sök.

People segir að á föstudaginn hafi Merchkoff komið fyrir dómara og sagt að meint játning hans á morðinu sé fölsuð, hafi verið búin til af gervigreind.

Í tilkynningu sem lögreglan í San Mateo sendi frá sér í júlí sagði að Merchiknoff hafi af miskunnarleysi myndað síðustu andartök Estrella í þessu lífi og birt myndbandið á Facebook áður en hann flúði af vettvangi.

Þegar hann kom fyrir dómara á föstudaginn kom hann með þessa undarlegu skýringu á játningu sinni. Ekki hefur komið fram í bandarískum fjölmiðlum hvenær eða hvar hann játaði morðið.

Lögreglunni í Nye County í Nevada var tilkynnt um morðið í júlí á síðasta ári af Facebooknotanda sem sá myndbandið á samfélagsmiðlinum. Tilkynnandinn gat látið lögreglunni símanúmer og nafn, þess sem birti myndbandið, í té. Það var Merchikoff.

Lögreglan í Nevada staðsetti hann í San Mateo og gerði lögreglunni þar viðvart og handtók hún hann.

Merchikoff og Estrella þekktust að sögn lögreglunnar sem hefur ekki skýrt nánar frá hvers kyns samband þeirra var.