Nýlega var Bretinn Scott Brown dæmdur í sjö og hálfs árs fangelsi fyrir að hafa reynt að smygla 11 kílóum af kókaíni til Bretlands. Hann faldi fíkniefnin í borði sem kom frá Kosta Ríka.

Þegar tollverðir á Heathrow flugvellinum gegnumlýstu borðið fannst kókaínið.

Sky News segir að Brown, sem er 31 árs, hafi verið handtekinn í ágúst 2023 eftir að kókaínið fannst í borðinu. Sendingin var stíluð á heimili hans.

Verðmæti kókaínsins er sem nemur um 175 milljónum íslenskra króna.

Gögn úr farsíma Brown voru meðal lykilgagna í málinu og afgerandi við að fá hann dæmdan fyrir smyglið.