Gjörningalistakonan Alicia Framis býr í Amsterdam með tilvonandi eiginmanni sínu,, sem þekktur er sem AILex. Þetta væri líklega allt gott og blessað, nema AILex er heilmynd, sem Framis bjó til með aðstoð gervigreindar. 

Ekki nóg með það heldur notaðist hin spænska Framis við prófíla af sínum fyrrverandi, og það fleiri en einum, til að skapa núverandi. Framis segir að ást og kynlíf með róbótum sé óumflýjanlegt þegar fram líði stundir og að um sé að ræða samfélagslega tilraun. Stefnir hún á að verða sú fyrsta til að „giftast“ heilmynd.

Framis deilir daglegu lífi þeirra á Instagram, en verkefni hennar, Hybrid Couple, er tilraun með mörk ástar, nándar og sjálfsmyndar á tímum gervigreindar, og innblásið af þeirri trú hennar að „ást og kynlíf með vélmenni og heilmyndir séu óumflýjanlegur veruleiki“.

Hún lýsir „“brúðgumanum“ tilvonandi sem  „miðaldra karlkyns heilmynd með örlítið flóknum tilfærslun“ og segir: „Ég vil að þessi maður sé hollenskur vegna þess að flestir kærastanna minna voru hollenskir.“

Framis er þegar búin að bóka stað fyrir „brúðkaup“ sitt, Depot Boijmans safnið í Rotterdam, og er einnig að hanna brúðarkjólinn sinn, en dagurinn stóri verður í sumar.

 

View this post on Instagram

 

A post shared by @hybridcouples

Ekki er þó allt sem sýnist, því svo virðist sem AILex sé leikinn af leikara, þó svör hans í samtölum hans og Framis verði til með gervigreind. Framis hefur skapað þá blekkingu að hafa gervigreind-myndaðan heilmyndarfélaga til að sýna hvernig lífið gæti verið í framtíðinni og einnig til að skapa umræðu um félagsskap og siðferði.

Í færslu sem hún skrifaði: „Tilgangurinn með þessu er að deila lífi og tilfinningum, taka þátt í ýmsum samtímaumræðum eins og pósthúmanisma, sýndarmennsku og flóknum tengslum kynja innan náins og félagslegs rýmis.“

Í annarri færslu um samband þeirra skrifaði hún: „Þetta er rómantískt samband milli konu og gervigreindar. Ást og kynlíf með vélmenni og heilmyndir eru óumflýjanlegur veruleiki. Við vitum að bráðum verða vélmenni og menn bólfélagar, en fyrir mig er næsta mikilvæga skref að tengja tilfinningalega saman gervigreind og menn. Heilmyndir eru nánar tengdar tilfinningum mínum en vélmenni, þess vegna vel ég að þróa heilmynd frekar en vélmenni.“