Í fréttatilkynningu, sem vísindamennirnir sem gerðu þessa uppgötvun, sendu frá sér segir að þær flensuveirur sem herja á okkur stökkbreytist í sífellu og því sé þörf á nýjum bóluefnum gegn þeim árlega en rannsókn þeirra bendi til að hugsanlega sé þröskuldurinn, fyrir þróun nýs bóluefnis sem virkar breitt gegn flensuveirum, ekki svo hár.
Fjórar tegundir flensuveira eru til, A, B, C og D. A og B valda flensufaröldrunum sem skella á okkur árlega.
Í nýju rannsókninni, sem var birt nýlega í vísindaritinu PLOS Biology, kemur fram að áður óþekkt mótefni hafi uppgötvast í mannablóði og að það geti ráðist á fjölda afbrigða A-stofns flensuveirunnar.
Rannsóknin var gerð í rannsóknarstofu og því vita vísindamennirnir ekki með fullri vissu hvernig þetta mótefni kemur við sögu í viðbrögðum líkamans við bólusetningu gegn flensu. En samt sem áður er hugsanlegt að dag einn verði hægt að þróa bóluefni sem eru betri í að vernda fólk gegn hinum ýmsu afbrigðum flensu.
