Kirsty, sem er þriggja barna móðir, hafði eldað pítsu fyrir börnin sín þennan örlagaríka dag og beið spennt eftir að fara á stefnumót um kvöldið með unnusta sínum. Unnustinn, Stu, kom síðan að henni meðvitundarlausri seinnipart dags.
Viðbragðsaðilar voru fljótir á vettvang og hófust strax handa við að reyna að endurlífga hana en allt kom fyrir ekkert og hún var dáin í 40 mínútur.
The Sun segir að Stu hafi síðar sagt henni að húð hennar hafi verið með „undarlega“ sexhyrnda bletti. Hann hófst strax handa við endurlífgun og hélt því áfram þar til fyrstu viðbragðsaðilar komu á vettvang.
Á leiðinni á sjúkrahúsið sögðu sjúkraflutningsmenn að það væru aðeins sex prósent líkur á að hún myndi lifa af. Eftir komuna á sjúkrahúsið var henni haldið sofandi og ættingjum hennar var sagt að „búast við hinu versta“.
Á meðan hún var lífvana gerðist svolítið „töfrum líkt“ áður en hún var endurlífguð að hennar sögn.
„Á þessum tímapunkti vissi enginn hvað var að gerast nema nánasta fjölskylda mín en skyggn vinkona mín setti sig í samband við systur mína og spurði hvað væri í gangi. Hún sagði að sál mín væri í húsinu hennar og ég væri að biðja hana um að skrifa lista fyrir syni mína og föður.“
„Systir mín sagði henni að ég væri að berjast fyrir lífi mínu á sjúkrahúsi og hefði verið þar í rúmlega tvær klukkustundir. Ég sagði vinkonu minni að líkami minn væri að gefa eftir og að ég teldi að ég gæti ekki komist aftur inn í hann en hún varð þá ákveðin við mig og sagði mér að fara aftur í hann. Á meðan, á sjúkrahúsinu, var fjölskyldu minni sagt að búa sig undir endalokin.“
„Ég man að þegar ég kom loksins aftur í líkama minn, þá vissi ég nákvæmlega hvað ég þurfti að lækna, eins og ég hefði hlaðið niður upplýsingum. Ég áttaði mig á að maður deyr ekki, það er bara líkaminn sem heldur för sinni áfram, og að verkefni mínu hér væri ekki lokið. Án myrkurs, veistu ekki hvað birta er og ég tel að við séum hér til að vakna, vaxa og stilla okkur af,“ sagði hún.
