Þann 28. október játuðust Nate og Mariana Kuhlman hvort öðru fyrir framan vini og vandamenn og sóru þess eið að verja ævinni saman í blíðu og stríðu. Eftir athöfnina héldu þau síðan til St Lucia til að njóta smá vetrarsólskins í brúðkaupsferð sinni. 

Þremur dögum seinna lést Nate í hörmulegu sjóskíðaslysi, samkvæmt GoFundMe síðu sem sett var upp í minningu hans. Ekki er greint frekar frá tildrögum slyssins. 

„Nate var yndislegur eiginmaður, vinur, sonur og bróðir í Kristi,“ segir á GoFundMe síðunni. 

„Hann kom vel fram við alla sem hann hitti og þeir sem voru svo heppnir að eiga samskipti við hann geta sagt frá því hversu skemmtileg, góð og ævintýraleg sál hann var. Nate lést með hörmulegum hætti þremur dögum eftir brúðkaup sitt. Orð fá ekki lýst sorginni sem fjölskylda hans býr nú við. Við biðjum vinsamlega um aðstoð við útfararkostnað og ferðalög fjölskyldunnar.“

Á annarri síðu á GoFundMe stendur að fjárframlög muni hjálpa til við útgjöld vegna flugmiða til St. Lúsíu og heim, neyðarvegabréf, flutninga, gistingu, máltíðir, útfararfyrirkomulag, þarfir Maríönu og allt annað sem kemur upp.

„Vinsamlegast biðjið líka fyrir fjölskyldunum, um styrk til þeirra og að nærvera Guðs fylli hjörtu þeirra.“ Heather Kuhlman móðir Nate segir að trúin hafi hjálpað henni að takast á við hörmulegan missi sonar síns.

Rúmlega 108.000 dalur söfnuðust á síðunum tveimur til að aðstoða fjölskyldu Nate með fjárhagsleg útgjöld við útför hans.