Ástæðan er að bærinn er fórnarlamb þess sem er kallað „siren battles“ sem má þýða sem „sírenubardagar“. Þessir bardagar eru hluti af ákveðinni nýsjálenskri hliðarmenningu þar sem tónlistaráhugafólk þekur bíla sína með hátölurum og sírenum og keppist síðan um að vera með sem hæsta og skýrasta hljóðið.
Eitt af því sem því líkar best við er tónlist Céline Dion að sögn The Guardian.
The Spinoff, staðarmiðill, ræddi við einn þátttakandann í þessum sírenubardögum um af hverju tónlist Céline Dion er svona vinsæl meðal þátttakenda. Ástæðan er að hún er með háum diskanti og litlum bassa.
En hávaðinn heldur vöku fyrir bæjarbúum á nóttunni og nú segja þeir að nóg sé komið af þessu.
„Við verðum að finna annan stað fyrir þetta fólk til að vera á, annars verður það að hætta þessu,“ sagði Anita Baker bæjarstjóri. Hún sagði einnig að bæjarbúar séu hrelldir með tónlist Céline Dion vegna þess að fólkið spili hálft lag og breyti því síðan og geri að hryllilegu hljóði.
