Í Sambíu fundust elstu þekktu tréverkin gerð af fólki. Þetta eru tveir trjádrumbar gerðir af forfeðrum okkar. Þeir fundust á botni Kalambo árinnar. Talið er að drumbarnir séu 476.000 ára.

Þetta þýðir að forfeður tegundarinnar okkar, Homo sapiens, hafa kunnað til verka og unnið tré.

Live Science segir að fornleifafræðingar hafi fundið trjádrumbana við Kalambo Falls, við Lake Tanganyika í norðurhluta Sambíu. Fornleifafræðingar hafa rannsakað þetta svæði síðan á sjötta áratugnum.

Áður höfðu steinverkfæri og viðarhlutir fundist. Munir sem hafa hjálpað vísindamönnum að skilja þróun manna og menningu þeirra í mörg hundruð þúsund ár.

Ný greining á fimm trjádrumbum bendir til að búseta þar hafi hafist mun fyrr en áður var talið og veitir innsýn í hugarheim forfeðra tegundarinnar okkar.

Í nýrri rannsókn, sem var birt nýlega í vísindaritinu Nature, skýra vísindamenn frá tréhlutunum sem þeir hafa fundið, þar á meðal tveimur sem fundust ásamt steinverkfærum og öðrum hlutum úr tré.

Aldursgreining á þessum tréhlutum sýnir að þeir tveir elstu eru 476.000 ára. Þetta eru því elstu þekktu tréhlutirnir sem menn hafa gert.