Þegar systurnar voru getnar stunduðu maðurinn og eiginkona hans, móðir systranna, reglulega kynlíf með öðrum karlmanni. Talið er að hann sé faðir stúlknanna.
Daily Mail segir að maðurinn hafi haft betur fyrir fjölskyldudómstóli á Nýja-Sjálandi þegar hann höfðaði mál til að fá faðernið ógilt. Hann og konan ættleiddu stúlkurnar á sínum tíma en eftir skilnað hjónanna fyrir tveimur árum fór hann fram á að nafn hans yrði fjarlægt af fæðingarvottorðum stúlknanna. Móðir þeirra hélt því fram að með þessu væri hann að reyna að koma sér undan meðlagsgreiðslum. Maðurinn sagði hins vegar að hann væri að verja „heiður“ sinn.
Fyrir dómi sagði konan að tilgangurinn með því að stunda trekant með hinum manninum hafi verið að hún yrði barnshafandi. Þessu neitaði fyrrverandi eiginmaður hennar.
Í dómsorði segir dómarinn að hvort sem þetta kynlíf þeirra þriggja hafi eingöngu verið til unaðar eða til að geta barn sé staðreynd að fólkið hafi stundað þetta á þeim tíma sem stúlkurnar voru getnar. Hins vegar séu málsaðilar ekki sammála um hvort þetta hafi aðeins verið til unaðar og skemmtunar eða til geta barn.
Maðurinn trúði ekki að hann væri faðir stúlknanna en samt sem áður fengu stúlkurnar fjölskyldunafn hans og nafn hans var skráð á fæðingarvottorð þeirra.
Móðirin sagði að maðurinn tæki virkan þátt í lífi stúlknanna, færi meðal annars með þær í frí, keypti gjafir handa þeim og þær kalli hann „pabba“.
Fyrir þremur árum gerði hann erfðaskrá og gerði þær að erfingjum sínum og kallaði þær „börnin mín“ að því er móðirin sagði.
Maðurinn neitaði þessu og sagðist aðeins hafa farið með þær í frí einu sinni og hafi slitið sambandinu við þær þegar þau skildu.
Dómarinn komst einnig að þeirri niðurstöðu að stúlkurnar hefðu ekki leitað eftir samskiptum né sambandi við hann.
