Á tveimur árum hefur Mont Blanc, sem hæsta fjall Evrópu, skroppið saman um tvo metra. Franskir vísindamenn skýrðu frá þessu á föstudaginn. Hæð fjallsins er mæld annað hvert ár og að þessu sinni reyndist það vera 4805,59 metrar en í september 2021 var það 4807,81 metrar.

Vísindamennirnir skýrðu frá þessu á ráðstefnu í Chamonix og sögðu að nú sé það hlutverk jöklafræðinga, loftslagsfræðinga og annarra vísindamanna að skoða mælingagögnin ofan í kjölinn til að skýra hvað veldur þessu.

Luc Moreau, jöklafræðingur, sagði að í ljósi loftslagsbreytinganna muni vöktun á breytingunum gera fólki auðveldara fyrir að skilja áhrif þeirra.

Það eru svo sem engin ný tíðindi að Mont Blanc skreppi saman því fjallið hefur skroppið saman í rúmlega áratug.

2007 mældist fjallið 4810,90 metrar, eða fimm metrum hærra en það er í dag.