Francisco Barajah, 39 ára prestur í Mósambík, ætlaði að reyna að leika sama leik og Jesús og fasta í 40 daga. Það er 40 daga án vatns og matar. En eftir 25 daga sagði líkaminn stopp og Barajah lést.

BBC skýrir frá þessu og segir að eftir 25 daga hafi ættingjar og vinir Barajah krafist þess að hann yrði fluttur á sjúkrahús. Þá var hann illa á sig kominn eftir að hafa ekki innbyrt vott né þurrt í allan þennan tíma.

Hann hafði misst svo mörg kíló að hann gat ekki lengur staðið uppréttur.

BBC segir að þetta sé ekki í fyrsta andlátið í tengslum við löngun fólks til að fasta í 40 daga eins og Jesús gerði að því er segir í biblíunni.

2015 lést maður frá Simbabve eftir 30 daga föstu og 2006 lést bresk kona eftir 20 daga föstu.