Þetta eru niðurstöður nýrrar rannsóknar að sögn CNN sem segir að fornleifafræðingar hafi fundið fyrstu vísindalegu sannanirnar fyrir þessu við rannsóknir á grafstæði víkinga í Derbyshire. Það nefnist Heath Wood.
Líkamar, þeirra sem eru grafnir þar, voru brenndir en bein eru enn til staðar og hafa komið að góðu gagni við rannsóknir á hverjir voru jarðsettir þarna og hvenær.
Vísindamennirnir rannsökuðu bein sem fundust í grafreitnum og reyndust þau vera úr tveimur fullorðnum einstaklingum, einum unglingi og þremur dýrum. Þetta voru hestur, hundur og líklega svín.
Á þessum tíma var það venjan á Norðurlöndum að brenna lík en í Bretlandi voru þau jarðsett.
Vísindamennirnir leituðu að strontíum í beinunum en það er náttúrulegt efni sem er í steinum, jarðvegi og vatni og endar það í plöntum. Þegar menn og dýr éta plöntur kemst strontíum í beinin og tennurnar. Magn efnisins er mismunandi víða um heim og er hægt að nota það sem viðmið þegar kemur að því að staðfesta uppruna ýmissa tegunda.
Annar fullorðni einstaklingurinn og unglingurinn voru líklegast heimafólk en hinn fullorðni og dýrin voru líklega frá Skandinavíu miðað við magn strontíums sem fannst í beinunum. Sá fullorðni og dýrin dóu líklega fljótlega eftir komuna til Bretlands.
Niðurstaða rannsóknarinnar hefur verið birt í vísindaritinu PLOS ONE.
