Feluleikur getur verið góð skemmtun, en stundum getur leikurinn farið aðeins úr böndunum. Slíkt átti sér stað hjá hinum 15 ára gamla Fahim í borginni Chittagong í Bangladess nýlega.

Fahim var að leika með vinum sínum og fóru þeir í feluleik. Fahim fann, það sem hann taldi vera hinn fullkomna felustað, flutningagám. Hann klifaði inn í gáminn og taldi að þarna myndu vinirnir aldrei finna hann. Hann beið og beið og svo virtist sem að felustaðurinn væri vissulega fullkominn. Svo fór að Fahim fór að syfja og ákvað hann að leggja sig um stund.

Þegar hann vaknaði var búið að læsa gáminum og Fahim varði næstu sex dögunum þar inni án matar eða vatns. Þegar gámurinn var loks opnaður var Fahim búinn að ferðast rúmlega 3000 kílómetra og var ekki lengur í Bangladess heldur í Malasíu.

Það var þann 17. febrúar sem starfsmenn við höfn í Malasíu heyrðu bank og öskur frá einum gáminum sem hafði nýlega komið frá Bangladess. Starfsfólkið hafði samband við neyðarlínu áður en gámurinn var opnaður og kom það öllum í opna skjöldu þegar ungur, fremur slappur drengur kom út úr gámnum.

Myndband var birt af þessu atviki á Twitter.

WATCH: #BNNMalaysia Reports.

A #Bangladeshi teenager, identified as Fahim accidentally travelled over 3,000 kilometers to Port Klang, #Malaysia over six days without food and water, in a shipping container after hiding inside it while playing with friends. #Social pic.twitter.com/NRlrKVDQTL

— Gurbaksh Singh Chahal (@gchahal) January 28, 2023

Fahim var áttavilltur og illa á sig kominn og bað um mat, sem hann að lokum fékk á meðan viðbragðaðilar könnuðu ástand hans. Fahim talaði ekki tungumálið á svæðinu og gekk erfiðlega að yfirheyra hann.

Hann var svo fluttur á sjúkrahús til aðhlynningar. Grunaði yfirvöldum í Malasíu að Fahim væri þolandi mansals. Þó kom á daginn að ekkert slíkt var þarna á ferðinni heldur var Fahim þolandi þess að vera of góður í feluleik.

Ótrúlegt þykir að Fahim hafi lifað af ferðalagið án nokkurrar næringar eða vökva. Fahim var afhentur útlendingastofnun í Malasíu sem afréð að koma honum aftur heim til sín.