Orð hennar beinast að tímaritinu Vogue sem hún segir vera hlutdrægt. Ástæðan: Hún er að tímaritið hefur aldrei birt mynd af henni á forsíðu.
Fimm mánuðum eftir að Joe Biden, tók við embætti forseta, var eiginkona hans, Jill Biden, á forsíðu Vogue sem þykir meðal virtustu tímarita heims.
Kamala Harris, varaforseti Biden, prýddi forsíðuna áður en hún tók við embætti varaforseta. Hillary Clinton prýddi forsíðuna þegar hún var forsetafrú og Michelle Obama, fyrrum forsetafrú, hefur verið þrisvar sinnum á forsíðunni.
En Melania hefur aldrei verið beðin um að sitja fyrir á forsíðunni. Með orðum sínum „líkar við og líkar ekki við“ segir Melania skýrt hvaða pólitísku stefnu hún aðhyllist að mati Vogue og segir blaðið því vera „hlutdrægt“ fyrst hún komst ekki á forsíðuna á þeim fjórum árum sem hún var forsetafrú.
En Melania, sem þykir ansi fjölmiðlafælin, segir að sem betur fer hafi hún haft nóg annað að gera: „Þetta var þeirra ákvörðun og ég hafði miklu mikilvægari verkefnum að sinna í Hvíta húsinu en að vera á forsíðu Vogue,“ sagði hún í samtali við Independent.
