Undirheimamaður sem er grunaður um að hafa skotið þrjá lögregluþjóna á miðvikudag í stórborginni Chicago í Bandaríkjunum, segist hafa haldið að þeir væru meðlimir í óvinagengi sínu. Lögregluþjónarnir voru á ferð í ómerktum lögreglubíl, en tveir þeirra voru leynilögreglumenn. Þá er hinn 28 ára gamli Eugene „Gen Gen“ McClaurin sagður hafa skotið að þeim.

Hann var handtekinn, og í yfirheyrslu sagðist hann hafa haldið að mennirnir væru meðlimir í óvinagengi. Þá á hann einnig að hafa játað verknaðinn.

Enginn lögreglumannanna var í bráðri hættu. Einn fékk skot í höndina, annar í búkinn og sá þriðji fékk skot sem strauk höfuð sitt.

McClaurin hefur einungis verið ákærður fyrir að skjóta einn mannanna, en búist er við því að hann verði ákærður fyrir hin morðin á næstu dögum. Hann gæti átt yfir höfði sér meira en 20 ára fangelsisdóm.

Skotárásin átti sér stað sama dag og Joe Biden Bandaríkjaforseti kom til Chicago til að ræða skotvopnaofbeldi, sem er mikið vandamál í borginni.