Heimsins fyrsta píkusafn (The Vagina Museum) var nýlega opnað í Lundúnum. Undirbúningur opnunarinnar hófst 2017 eftir að safnstjórinn, Florence Shechter, komst að því að mörg reðursöfn væru til, þar á meðal reðursafnið á Íslandi, en ekkert álíka safn væri til sem snerist um kynfæri kvenna.

Til eru rafræn söfn sem fjalla um píkur en nýja safnið er fyrsta safnið sem er til staðar í húsi eins og hefðbundin söfn.

„Píkusafnið er svo mikilvægt því þetta svæði líkamans er svo oft smánað og það hefur raunverulegar afleiðingar eins og að konur skammast sín of mikið til að fara í krabbameinsskoðun. Aðalmarkmið okkar er að berjast gegn því tabúi sem umlykur líkama okkar og koma upp stað þar sem við getum átt opnar og hreinskilnar samræður.“

Segir Shechter.

Það tókst að safna fé meðal almennings til opnunar safnsins en rúmlega 1.000 manns gáfu tæplega 50.000 pund til að hægt væri að koma því á laggirnar.

https://www.instagram.com/p/B4p_BmTBMUF/?utm_source=ig_embed

Fyrsta sýningin á safninu hefur að markmiði að varpa ljósi á þá dulúð sem umlykur kynfæri kvenna, þar á meðal hreinlæti, útlit, blæðingar, kynlíf og getnaðarvarnir. Ýmsar uppákomur verða í tengslum við sýninguna.

Safnið er til húsa í Camden Stables Market á Chalk Farm Road og er opið alla daga vikunnar. Aðgangur er ókeypis en greiða þarf fyrir aðgang að uppákomum í tengslum við sýningar safnsins.

https://www.instagram.com/p/B32HkLpgwMZ/?utm_source=ig_embed