Sofya Zakharova er aðeins tveggja ára og því einungis lítið saklaust barn. Hún hefur verið í kastljósi fjölmiðla að undanförnu eftir að henni var neitað um leikskólapláss vegna útlits hennar. Hún fæddist með afmyndaða höfuðkúpu og samvaxna fingur og tær. Foreldrar hennar fengu að vita að hún gæti hrætt hin börnin og því fengi hún ekki pláss. Þetta var mat lækna.

The Daily Mail skýrir frá þessu. Stjórnendur leikskólans sögðu foreldrunum að Sofya fengi ekki pláss fyrr en hún væri búin að fara í aðgerð þar sem höfuðkúpa hennar og fingur og tær yrðu lagaðar.

Foreldrar hennar, sem búa í Rússlandi, eru nú að reyna að safna fyrir aðgerðinni en þau eru láglaunafólk. Sérfræðingar hafa áhyggjur af velferð Sofya því hún læri ekki að umgangast börn á sínum aldri af því að hún fær ekki leikskólapláss.

Góðgerðarfélög hafa tekið málið upp á sína arma en hefur ekki orðið ágengt við að tryggja Sofya leikskólapláss. Lögreglan hefur nú skorist í málið og ætlar að rannsaka hvort neita megi henni um leikskólapláss vegna útlits hennar.

https://youtu.be/mffRkzsa2f4