Það er með ýtni og hraða í öllu sem ódýrustu bílaleigurnar þéna peninga á að selja þér tryggingar sem þú hefur jafnvel enga þörf fyrir. Af þeim sökum ráðlegga sérfræðingar fólki að leigja bíla hjá stórum bílaleigum. Það er að jafnaði dýrara að leigja hjá þeim en þegar upp er staðið getur reynst ódýrara að leigja hjá þeim og það getur komið í veg fyrir pirring og reiði að fríinu loknu.
Ef bílaleigan krefst þess að þú takir tryggingu sem þú veist að þú ert nú þegar með skaltu mótmæla hástöfum. Ef það dugir ekki til og þú getur ekki fengið bílinn nema með því að skrifa undir tryggingasamninginn skaltu láta taka fram á honum að þú skrifir undir hann gegn vilja þínum. Með þessu getur þú síðar reynt að fá endurgreitt en það er ekki öruggt að það takist.
Það er gott að leigja hjá stórum bílaleigum sem þykja traustar og starfa helst á heimsvísu.
Ef þú leigir bíl í gegnum bókunarsíðu getur verið erfitt að finna út hvar þú átt að kvarta ef vandamál koma upp.
Lestu leigusamningin vel yfir til að vera viss um að tryggingin dekki það sem þarf að dekka.
Kannaðu þínar eigin tryggingar hvað varðar bílaleigu. Kannski ertu með tryggingu í gegnum ferðatrygginguna þína eða greiðslukortið.
Hafðu á hreinu hvort ótakmarkaður akstur er innifalinn eða hvort þú þarft að greiða fyrir ekna kílómetra.
Þegar þú færð bílinn afhentan skaltu skoða hann vel með tilliti til tjóns. Taktu myndir og skráðu hjá þér ef eitthvað er að bílnum áður en þú ekur af stað.
Notaðu alþjóðlegt greiðslukort á borð við Visa eða MasterCard.
Skilaðu bílnum á opnunartíma bílaleigunnar. Farðu yfir bílinn ásamt starfsmanni og fáðu skriflega staðfestingu á að þú hafi skilað honum og hvernig ástand hans var við skilin. Það er auðveldara að leysa ágreining á staðnum en þegar heim er komið.
