fbpx
Mánudagur 06.febrúar 2023

Fimm mínútna, „sanngjörn“ réttarhöld

Ritstjórn DV
Sunnudaginn 23. febrúar 2020 10:32

Ekki missa af Helstu tíðindum dagsins í pósthólfið þitt

Lesa nánar

Marcus Lyon, bóndi í Bandaríkjunum, fannst látinn á á vegi skammt frá bænum Wilbraham í Hampden-sýslu í Massachusetts í nóvember árið 1805.
Um svipað leyti höfðu tveir Írar, Dominic Daly og James Halligan, átt leið um svæðið á leið til New Haven í Connecticut.
Þegar spurðist um ferðir Íranna hófst að þeim leit og þann 12. nóvember höfðu laganna verðir hendur í hári tvímenninganna í borginn Northampton í Hampshire-sýslu.
Þar var þeim umsvifalaust komið fyrir bak við lás og slá og þeir ákærðir fyrir morð og rán, en sá sem átti heiðurinn af handtökunni fékk í verðlaun 500 dali.

Bandamaður utan fangelsis

Dominic og James sóru og sárt við lögðu að þeir hefðu ekki komið nálægt morðinu á Marcus Lyon. Yfirvöld töldu sig þó ekki þurfa frekari vitna við því þeir voru með öllu ókunnugir á svæðinu og Írar í þokkabót.
Dominic og James þurftu að dúsa í fangelsi næsta hálfa árið, eða svo gott sem, var neitað um lausn gegn tryggingu og ráðgjöf lögfræðings.

Jean-Louis Lefebvre de Cheverus biskup
Lagði sig í líma við að bjarga Írunum tveimur frá gálganum.

Írsku ólánsmennirnir áttu þó einn bandamann utan fangelsisins, séra Jean-Louis Lefebvre de Cheverus, biskup kaþólskra í Boston.

Írskir og kaþólskir

Tveimur sólarhringum áður en réttarhöld hófust yfir Dominic og James fengu þeir að hitta lögfræðing, í byrjun júní árið 1806. Að sögn var nokkuð ljóst að íbúar Northampton deildu áliti ákæruvaldsins um sekt þeirra þegar réttarhöld hófust, Dominic og James voru írskir, kaþólskrar trúar og farandverkamenn eða flakkarar, frekari sannanir þurfti ekki.
Við réttarhöldin höfðu þeir, kannski eðlilega, fátt fram að færa sem staðfest gæti sakleysi þeirra og voru réttarhöldin stutt, í orðsins fyllstu merkingu.

Heilar fimm mínútur

Félagarnir fengu fimm mínútna, „sanngjörn“ réttarhöld, því ekki tók lengri tíma að leiða málið til lykta. Sennilega hefur kviðdómur rétt fengið tíma til að segja sitt. Þann 5. júní, 1806, voru Dominic Daly og James Halligan hengdir í Northampton og ljóst að viðburðurinn trekkti vel. Um 15.000 manns fylgdust með aftökunni.
Síðar var það mat manna að eiginlegar sannanir hefðu verið svo rýrar í roðinu að varla hefði verið ástæða til að ákæra Dominic og James yfirhöfuð.

Uppreisn æru

Séra Jean-Louis Lefebvre de Cheverus lagði sig allan fram, og jafnvel í hættu, í viðleitni til að koma í veg fyrir aftökuna, en hafði ekki erindi sem erfiði. Áður hafði hann veitt þeim sakramenti í fangaklefa þeirra og er talið að það hafi verið í fyrsta skipti sem þjónusta að kaþólskum hætti var veitt í Northampton.
Á degi heilags Patreks árið 1984 sýknaði ríkisstjóri Massachusetts, Michael Dukakis, Dominic Daly og James Halligan af þeirri sök sem þeir voru hengdir fyrir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 3 klukkutímum

Hegðun Mason Greenwood á Instagram um helgina vekur gríðarlega athygli

Hegðun Mason Greenwood á Instagram um helgina vekur gríðarlega athygli
433Sport
Fyrir 4 klukkutímum

Jamie Carragher varpar sprengju um Haaland og City

Jamie Carragher varpar sprengju um Haaland og City
Fréttir
Fyrir 7 klukkutímum

Segir að Zelenskyy sé öskureiður

Segir að Zelenskyy sé öskureiður
Fréttir
Fyrir 7 klukkutímum

Úkraína mun ekki nota ný langdræg flugskeyti sín til árása á rússneskt landsvæði

Úkraína mun ekki nota ný langdræg flugskeyti sín til árása á rússneskt landsvæði
433Sport
Fyrir 14 klukkutímum

Ítalía: Martinez tryggði sigur í grannaslagnum – Napoli að tryggja sér titilinn

Ítalía: Martinez tryggði sigur í grannaslagnum – Napoli að tryggja sér titilinn
433Sport
Fyrir 15 klukkutímum

Miðvörður á miðjuna hjá Manchester United?

Miðvörður á miðjuna hjá Manchester United?