Kostulegt atvik átti sér stað í beinni útsendingu Breska ríkissjónvarpsins, BBC, í morgun þegar verið var að ræða við prófessorinn Robert Kelly um ástandið í Suður-Kóreu.

Kelly, sem er sérfræðingur í málefnum austur Asíu, var þar að ræða þá stöðu sem upp er komin eftir að Park Geun-hye, forseti Suður-Kóreu, var neydd til að segja af sér vegna meintrar spillingar.

Myndband af viðtalinu hefur farið sem eldur í sinu um netheima í dag. Kelly hafði lokað sig inni á skrifstofu til að ræða við þáttastjórnanda BBC í beinni útsendingu í gegnum netið þegar börn hans ákveða að kíkja í heimsókn.

Viðbrögð mömmunnar, þykja sérstaklega eftirtektarverð.