Á meðan hundruð Íslendinga lágu í sóttkví á fimmtudag lék höfuðborgarsvæðið skyndilega á reiðiskjálfi. Jarðskjálfti af stærðinni 5,2 á Richter. Að sjálfsögðu vaknaði sú spurning að nýju, hvort væri að koma eldgos. Og auðvitað hlýtur að vera að koma eldgos því í kjölfar kórónuveiru, verkfalla, ógnar við stöðugleika, ferðabanns til Bandaríkjanna, blika í efnahagskerfinu – þá er eldgos það síðasta sem við þurfum. En þá hlýtur það líka óneitanlega að þýða að eldgosið sé óumflýjanlegt. Því ef eitthvað getur farið úrskeiðis, þá mun það fara úrskeiðis.
