Sænska öryggislögreglan, Säpo, handtók í morgun þrjá menn sem eru grunaðir um að hafa verið að undirbúa hryðjuverk. Lögreglan lét til skara skríða samtímis á nokkrum stöðum í Svíþjóð. Mennirnir voru handteknir í Stokkhólmi og norðurhluta landsins.

Sænska ríkisútvarpið skýrir frá þessu. Fram kemur að Säpo hafi þekkt til hinna grunuðu frá því áður og hafi fylgst með þeirm um hríð. Í fréttatilkynningu frá saksóknara kemur fram að hryðjuverkið hafi þó ekki verið yfirvofandi á næstu dögum.

Viðbúnaðarstig vegna hryðjuverka verður ekki hækkað vegna þessa og verður enn á þriðja stigi af fimm.