„Þegar götur eru snjóhreinsaðar í þéttbýli þarf oft að moka snjónum í hrúgur og þær geymdar þar til hægt er að moka hrúgunum á vörubílspalla eða fjarlægja með öðrum hætti, sjá meðfylgjandi mynd af einni hrúgunni,“ segir í tilkynningu sem lögreglan birti á Facebook-síðu sinni.
Í tilkynningunni segir enn fremur að oft leiki börn sér í þessum snjóhrúgum en það getur þó reynst varasamt þó gleðilegt sé að börn velji að vera úti að leika sér. +
„Það er þrennt sem veldur áhyggjum í þessu sambandi. Það fyrsta er að oft leika börn sér að því að grafa holur í slíkar hrúgur og það getur verið hættulegt því snjór sem þessi er laus í sér og hann getur hrunið og skaðað börnin, t.d. ef þau eru komin inn í hrúgurnar.
Annað varðar börn sem gera sér að leik að renna sér niður hrúgurnar og jafnvel stoppa ekki fyrr en komið er út á nálæga götum en þessar hrúgur eru jafnan skammt frá götu eða gatnamótum.
Það þriðja er að þegar snjómokstursfólk er að moka í eða úr slíkum hrúgum er mjög hættulegt ef börn eru á sama tíma að leik í eða við hrúgurnar.“
Hvetur lögregla foreldra til að ræða þessar hættur við börn sín.
