Þar er fjallað um fullyrðingar Guðmundar Karls Snæbjörnssonar sem sviptur var lækningaleyfi sínu í fyrrasumar.
Guðmundur skrifaði grein í Morgunblaðið á milli jóla og nýárs þar sem hann setti fréttir af alvarlegum öndunarfærasýkingum meðal ungbarna í samhengi við nýtt RSV-mótefni sem tekið var í notkun í haust.
Guðrún hafnar því alfarið í samtali við Morgunblaðið og segir að engin tengsl séu á milli fjölgunar innlagna barna á spítala vegna öndunarfærasýkinga og nýs mótefnis.
„Staðreyndir eru staðreyndir og mótefni veldur ekki inflúensu eða öðrum sýkingum en sýklar valda sýkingum og inflúensuveiran veldur inflúensu. Þetta er bara vitað eins og 2+2 séu 4 en ekki 5,“ hefur Morgunblaðið eftir Guðrúnu.
Bent er á það í umfjöllun blaðsins að rannsóknir sýni um 80% fækkun innlagna á sjúkrahús og einnig færri tilfelli bakteríusýkinga sem geta fylgt RS-veirusýkingum. Þá hafi mótefnið verið notað í fjölda Evrópuríkja síðustu tvo vetur og reynslan af því sé mjög góð.
