Guðfinnur, sem hefur rekið Bílasölu Guðfinns um áratugaskeið, er þekktur fyrir flest annað en að liggja á skoðunum sínum eins og lesa má glögglega í viðtalinu við hann í dag.
Guffi kemur víða við í viðtalinu, ræðir meðal annars langan feril sinn í bransanum og þá skýtur hann föstum skotum að þeim sem sýnt hafa einkabílnum andstöðu.
„Andstaða margra við einkabílinn er sterk og í raun engu lík,“ segir hann og bætir við:
„Þessa fóbía kemur af vinstri væng stjórnmálanna; frá kommúnistum og sósíalistum sem hafa valið að ganga í alltof þröngum skóm og þjást af harðlífi. Þeim er uppsigað við einkaframtakið og sjálfstæði fólks en táknmynd þess er meðal annars að eiga góðan bíl og geta farið hvert sem er þegar þú þarft og þig langar. Bíllinn og að njóta frelsis er hvati margra til þess að komast vel af. Að vera á móti því er undarleg hugsun,“ segir hann en viðtalið má lesa í heild sinni á síðu 6 í Morgunblaðinu í dag eða hér.
