Nýjar vendingar hafa orðið í stóra páskaeggjamálinu. Ragnar Freyr Ingvarsson, formaður Læknafélags Reykjavíkur, greinir frá tíðindunum á Facebook.
Fyrir þá sem ekki hafa fylgst með þá var greint frá því um helgina að starfsmenn Landspítalans fengju engin páskaegg frá spítalanum í ár vegna niðurskurðarkröfu ríkisstjórnarinnar. Mörgum hefur sárnað þessi ákvörðun enda liggur fyrir það sama gildir ekki um alla aðra ríkisstarfsmenn, svo sem um starfsmenn ráðuneytanna sem fá páskaegg að venju.
Ragnar Freyr fékk rétt í þessu símtal og segist nú brosa allan hringinn. Ljúft fólk hjá Góu og Omnom hefur boðist til að leysa Páskaeggjahallærið.
„Ég fékk ákaflega skemmtilegt símtal rétt í þessu og brosi allan hringinn.
Ræddi við ljúfa fólkið hjá Góu og Omnom sem sögðu mér að þau væru tilbúin í að leysa Páskaeggjahallærið þetta árið.
Ég á því stefnumót snemma í fyrramálið (ef veður leyfir) og reyni að leggja mitt af mörkum því þau ætla að framleiða sérstaklega fyrir starfsfólk spítalans því lagerinn er tómur og framleiðslu hætt þetta árið.“
