Í greininni kemur fram Elín hafi unnið sem kennari hjá Reykjavíkurborg í rúm 40 ár en hún hefur nú látið af störfum sökum aldurs. Viðurkennir hún að það sé örlítið sárt að fara á eftirlaun án þess að fá svo mikið sem þakkarkveðju fyrir vel unnin störf.
„Til dæmis tölvupóst. Það hefði verið nóg fyrir mig. Ég þarf ekkert endilega kaffisamsæti þó að það hefði nú óneitanlega orðið eftirminnileg minning inn í eftirlaunaaldurinn. Ég vona innilega að Reykjavíkurborg taki það upp að þakka sínu starfsfólki fyrir unnin störf þegar það fer á eftirlaun,“ segir hún í pistlinum.
Í frétt Vísis kemur fram að Elín hafi undanfarin tæp 20 ár unnið í Ölduselsskóla í Seljahverfi með frábæru fólki og góðum yfirmönnum. Þar hafi henni verið þakkað vel og fallega og henni þyki vænt um það. En henni þykir sárt að hafa ekki fengið neina kveðju frá sjálfum vinnuveitanda sínum, borginni.
„Hjá mörgum sveitarfélögum tíðkast sú fallega hefð að bjóða fólki sem fer á eftirlaun til kaffisamsætis þar sem þakkað er fyrir framlag þess til vinnu. Það er virðingarvert,“ segir hún meðal annars í pistlinum sem má lesa í heild sinni hér.
