Stefán Kristjánsson, útgerðarmaður, er látinn, 61 árs að aldri. Stefán varð bráðkvaddur á heimili sínu í Kópavogi 12. Ágúst.

Stefán lætur eftir sig eiginkonu, fjögur börn og barnabarn.

Stefán og eiginkona hans, Sandra Antonsdóttir, ráku útgerðarfyrirtækið Einhamar Seafood í Grindavík, sem þau stofnuðu árið 2003.  Fyrirtækið er meðal öflugustu ferskfiskframleiðenda á Íslandi. Félagið starfrækir fiskvinnslu í Grindavík þar sem framleiddar eru þorsk- og ýsuafurðir úr besta mögulega hráefni sem völ er á. Félagið vinnur aðeins afurðir úr sjálfbærum fiskistofnum umhverfis Ísland.

Einhamar Seafood gerðist aðalstyrktaraðili Körfuknattleiksdeildar UMFG fyrir nokkrum árum. Stefán og Sandra voru einir dyggustu stuðningsmenn karla- og kvennaliðs Grindavíkur.

Eftir jarðhræringar og rýmingu Grindavíkur í kjölfarið í nóvember árið 2023 var Stefán meðal fremstu manna í málum Grindvíkinga og því að bærinn yrði byggður upp á ný fyrir íbúa og atvinnulíf. Eftir alvarlegt mótorhjólaslys í Kambodíu í febrúar þurfti Stefán að leggja kraft í baráttu fyrir bættri heilsu sinni. Hann var afar hætt kominn eftir slysið, en var búinn að ljúka endurhæfingu á Grensás.

DV vottar aðstandendum og vinum Stefán innilega samúð.