Steinar Smári Guðnason, meindýraeyðir hjá Meindýraeyði Íslands segir veggjalús vera að aukast hér á landi.

„Það er svo­leiðis spreng­ing búin að vera að ég bara á ekki til orð yfir það hvað er búið að vera mikið af veggjal­ús. Það eru eitt til þrjú veggjal­úsa­út­köll á dag. Fyr­ir um einu og hálfu, tveim­ur árum var svona eitt út­kall á viku,“ seg­ir Stein­ar í sam­tali við Morg­un­blaðið. Segir hann flest tilfelli á hótelum og gististöðum, en einnig séu mörg tilfelli í heimahúsum.

„Það góða við þetta kvik­indi er að hún er svaka­lega staðbund­in, hún er bara í rúm­inu og í um metra fjar­lægð í kring­um það og hvergi ann­ars staðar. Það er aft­ur á móti ekki fyrr en fólk tek­ur upp sprey­brús­ann sjálft og byrj­ar að spreyja  þá fyrst verður vanda­mál.“

Stein­ar seg­ir að fólk eigi alls ekki að eitra sjálft fyrir vegglúsinni. Hún verði pirruð og reyn­ir að flýja áhrif­in af eitrinu og dreif­i sér þannig bókstaflega um allt. 

Nánar má lesa um málið í Morgunblaðinu.