Erlendur ferðamaður er virkilega ósáttur við komuna til Íslands. Bæði hvað varðar verðlagið, þjónustuna og vegakerfið. Hann hafði hugsað sér að koma aftur að ári en hyggst nú fara til Kanada í staðinn.
„Svolítið vond reynsla ferðamanns hér á ferð,“ segir ferðamaðurinn í færslu á samfélagsmiðlinum Reddit. Landið hafi vissulega fallegt landslag en hér sé allt of dýrt og landið hafi lítið upp á að bjóða.
Sem dæmi um okur á Íslandi nefnir hann að hafa þurft að borga 10 dollara, eða um 1200 krónur fyrir bílastæði við hraunbreiðu. Kaffibolli við vegabúllu hafi kostað 12 dollara, eða 1500 krónur, og hótelherbergi ekki nógu gott til að sveifla ketti inn í hafi kostað 450 dollara nóttin. Það er 55 þúsund krónur.
„Þá fengum við í besta falli andstyggilega þjónustu og illa viðhaldna innviði svo sem slóða og vegi á mörgum stöðum,“ segir hann. „Mér finnst eins og litið sé á ferðamenn sem nauðsynlega illsku hérna.“
Segist ferðamaðurinn hafa farið um Suðurlandið og hafi ætlað að koma aftur á næsta ári til að taka Norðurlandið. Hann hafi hætt við það og ætli til Kanada í staðinn.
