Hann er því ekki eins bjartsýnn og Donald Trump um að tekist hafi að eyðileggja getu Írana til að framleiða kjarnorkuvopn.
Allt frá því að Bandaríkjamenn vörpuðu risastórum sprengjum, sem grafa sig niður í jörðina áður en þær springa, á kjarnorkumiðstöðvar Írana, hafa efasemdir um áhrif árásanna farið vaxandi.
Donald Trump heldur því fram að allt hafi eyðilagst í árásinni en skýrslur, sem lekið var frá bandarískum leyniþjónustustofnunum, sýna að tjónið var ekki svo mikið.
Bandarísk stjórnvöld segja að kjarnorkuáætlun Írana hafi verið sparkað mörg ár aftur í tímann en aðrir segja að þetta muni aðeins seinka vinnu þeirra um nokkra mánuði.
Grossi hallast að því síðarnefnda. Hann sagði að Íranar hafi getu til að halda áfram og innan nokkurra mánaða geti þeir hugsanlega verið búnir að koma nokkrum skilvindum í gang og byrjað að auðga úran á nýjan leik. „Það er ekki hægt að halda því fram að allt sé horfið og ekkert sé eftir,“ sagði hann.
Hann sagði að ekkert hindri Írana í að halda vinnu sinni áfram í kjarnorkumiðstöðvum sínum með það að markmiði að smíða kjarnorkusprengju.
