RÚV greindi frá því fyrir skömmu að hópur erlendra leigubílstjóra hefði lagt undir sig kaffiskúr í eigu Isavia sem er ætlaður öllum leigubílstjórum til afnota. Hafa erlendu bílstjórarnir, sem eru íslamstrúar, lagt skúrinn undir bænahald.

Morgunblaðið hefur gengið eftir svörum hjá Isavia um kaffiskúrinn en Isavia varist fregna af málinu þar til í morgun en Guðmund­ur Daði Rún­ars­son, fram­kvæmda­stjóri viðskipta og þró­un­ar hjá Isa­via, í sam­tali við Morg­un­blaðið að Isavia leggist ekki gegn bænahaldi í kaffiskúrnum. Hins vegar þurfi að tryggja að öllum líði vel og þeir séu velkomnir. Yf­ir­mönn­um Isa­via var brugðið er frétt­ir bár­ust af yf­ir­töku skúrs­ins af hálfu er­lendra leigu­bíl­stjóra og ætla að ráðfæra sig við menn sem eru „sér­fróðir í fjöl­menn­ing­ar­sam­fé­lög­um“.

Guðmundur segir ennfremur:

„Við ger­um að sjálf­sögðu ekki at­huga­semd við það að fólk iðki trú sína, það er gert um alla flug­stöð og öðrum mann­virkj­um Isa­via. Þannig að það sem slíkt ger­um við ekki at­huga­semd­ir við. Aft­ur á móti það sem okk­ur þykir ámæl­is­vert í þessu er að það sé verið að meina fólki aðgang að hús­næði sem er fyr­ir alla og vera með ein­hvers kon­ar fram­komu sem er ónæði við aðra.“

Hinir sérfróðu rót vandans

Sigmundur Davíð Gunnlaugsson, formaður Miðflokksins, hefur látið sig málið varða. Hann spyr hvort hinir sérfróðu í fjölmenningarsamfélögum, sem Isavia ætlar að leita til, séu rót vandans en ekki lausn hans. Hann spyr einnig hvort settir verði upp útikamrar fyrir leigubílstjóra sem ekki séu lengur velkomnir í eigin kaffiskúr. Facebook-pistill Sigmundar Davíðs um málið er eftirfarandi:

„Nei, hættu nú alveg!

Stjórnendur Isavia og ráðherrann láta ekki ná í sig dögum saman en svo er maður sendur út með skilaboð um að félagið ætli að leita til fjölmenningarsérfræðinga.

Hverjir skyldu nú þessir „menn sem eru sérfróðir í fjölmenningarsamfélaginu” vera?

Getur verið að þeir séu rót vandans en ekki lausnin hans. Að námskeiðahald slíkra aðila fyrir Isavia hafi valdið þessum vandræðagangi?

Ef maður sem væri raunverulega sérfróður í fjölmenningarsamfélögum yrði fenginn til að útskýra málið gæti hann sagt Isavia að það sé gagnslaust að senda bara mann í gulu vesti í skúrinn til að minna á að hann eigi að vera opinn öllum, konum og körlum til að nýta salernisaðstöðuna og borða það sem þeir vilja eða sitja og spjalla.

En hver ætli sé líklegasta niðurstaðan m.v. hvernig Isavia hefur haldið á málinu til þessa?

Að fulltrúi Isavia fari og tali við mennina, þeir neiti að fylgja reglunum, Isavia gefist þá upp og segi konunum og öðrum leigubílstjórum að þeir geti jú notað salernið í kjallara flugstöðvarinnar en svo verði e.t.v. hugað að því að setja upp sér-aðstöðu fyrir þá?

Eða ætli það verði settir upp útikamrar fyrir þá leigubílstjóra sem eru ekki lengur velkomnir í eigin kaffiskúr?“