Lögregla og björgunarsveitir eru við leit að 12 ára dreng í Ölfusborgum og nágrenni.
Drengurinn sást síðast um klukkan 16 í Ölfusborgum. Drengurinn er erlendur ferðamaður og því ekki kunnugur staðháttum.
Drengurinn er með dökkt sítt hár sem bundið var í hnút. Hann klæddist svartri hettupeysu, svörtum buxum og skóm með camo mynstri.
Þeir sem telja sig hafa upplýsingar um drenginn eða telja sig hafa séð til hans eru beðnir að láta lögreglu vita í síma 112.
Uppfært kl. 23:
Leit stendur enn yfir að drengnum af fullum þunga. Bjögunarsveitir leita m.a. með drónum með hitamyndavélum og hefur þyrla Landhelgisgæslunnar jafnframt verið boðuð til leitar úr lofti.
Ljósmynd af drengnum er hér að neðan og biðlar lögregla til þeirra sem telja sig hafa séð drenginn eftir klukkan 15:30 í dag um að koma þeim upplýsingum til lögreglu í gegnum Neyðarlínu 112.
