Flestir bjuggust við þægilegum sigri Medvedev en annað kom á daginn og hefur hegðun Medeveds meðan að á leik stóð og eftir hann vakið athygli víða.
Í þriðju lotu gerðist ótrúlegt atvik þegar ljósmyndari villtist inn á völlinn um það leyti sem Bonzi átti uppgjöf. Uppgjöf Frakkans mistókst og tók dómarinn þá ákvörðun að leyfa Bonzi að endurtaka hana vegna truflunarinnar frá ljósmyndaranum.
Medvedev var vægast sagt ósáttur við þá ákvörðun, lét dómarann heyra það og ögraði áhorfendum til að baula á dómara leiksins.
„Ertu karlmaður? Af hverju ertu skjálfandi? Hann vill fara heim, krakkar. Hann fær borgað fyrir hvern leik, hann er ekki á tímakaupi,“ sagði Medvedev meðal annars.
Eftir þetta virtist Medvedev vera að ná vopnum sínum en ekki vildi betur til en svo að Bonzi vann oddasettið og þar með leikinn.
Medvedev missti alla stjórn á sér eftir tapið og lét hann reiði sína bitna á tennisspaðanum sínum sem hann mölbraut. Myndband af atvikinu má sjá hér að neðan.
Medvedev hefur áður vakið athygli fyrir furðulega hegðun á tennisvellinum en árið 2019 reif hann handklæði af boltastrák, kastaði spaða í átt að dómara og sýndi honum miðjufingurinn. Fyrir það var hann sektaður um 9.000 dollara. Er talið líklegt að hann fái einnig sekt fyrir uppátæki sín í gærkvöldi.
Daniil Medvedev was visibly upset after a camera person walked on the court at match point. pic.twitter.com/5wnVf2GSFm
— ESPN (@espn) August 25, 2025
Daniil Medvedev looking totally distraught after his loss to Bonzi at the U.S. open.
He’s smashing his racquet and just sitting on the court.
Brutal loss to swallow.
— The Tennis Letter (@TheTennisLetter) August 25, 2025
A Daniil Medvedev moment that got lost in the chaos tonight
— Barstool Tennis (@StoolTennis) August 25, 2025
