Ingibjörg lét þessa skoðun sína í ljós í athugasemd við mynd á Facebook sem Íris birti af biskupi Íslands, Guðrúnu Karls Helgudóttur.
Á Facebook hefur Íris haldið fram skoðunum sem margir telja andstæðar mannréttindum og jafnrétti, sérstaklega í tengslum við hinsegin málefni, innflytjendur og femínisma. Ef marka má athugasemdir undir færslum hennar fær hún hljómgrunn frá mörgum, en ekki öllum.
Steininn tók úr þegar Íris birti mynd af Guðrúnu og skrifaði í hástöfum: „Hvaða viðbjóður er þetta?”
Í athugasemd sinni sagði Ingibjörg Sólrún:
„Sæl Íris. Ég hef ákveðið að taka nafn þitt úr mínum ,,vinahópi” vegna skrifa þinna. Ég hef ekkert á móti því að þú tjáir skoðanir sem eru öndverðar flestu því sem ég stend fyrir en þú ert svo illyrt og hatursfull að ég vil ekki deila skrifum þínum í gegnum mína síðu.“
