Í tilkynningu frá Landsbjörgu kemur fram að áhöfn björgunarskipsins Þórs í Vestmannaeyjum var á fjórða tímanum kölluð út á mesta forgangi þegar nótaskipið Huginn VE55 tók niðri í innsiglingunni við Hörgárgarð gegnt Skansinum. Við höfnina í Eyjum

Skipið hafði misst vélarafl á leið inn innsiglinguna með þessum afleiðingum.

Auk Þórs tók Lóðsinn í Eyjum þátt í aðgerðum í dag.

Í tilkynningunni segir að komið hafi verið  taug aftur úr Huginn í Lóðsinn sem togaði í hann á meðan Þór lagðist með stefnið á síðu Hugins aftarlega til að ýta á hann, til að snúa skipinu. Þessar aðgerðir hafi gengið fljótt og vel og Huginn losnað fljótlega. Lóðsinn dró svo skipið að bryggju.

Myndband frá Landsbjörgu af björgunaraðgerðunum má sjá hér fyrir neðan.