Samkvæmt heimildum DV fannst Íslendingur, 48 ára að aldri, látinn á Spáni þann 12. júlí síðastliðinn.
Maðurinn lætur eftir fjögur börn.
Tildrög andlátsins eru nokkuð á huldu en það bar að með óvæntum hætti. Marín Þórsdóttir, verkefnastjóri hjá heimferða- og fylgdadeild Ríkislögreglustjóra, staðfestir andlát mannsins við DV. Í svari við fyrirspurn DV segir Marín:
„Ég get staðfest að viðkomandi fannst látinn á Spáni. Við höfum ekki upplýsingar um að neitt saknæmt hafi átt sér stað.“
Ægir Þór Eysteinsson, upplýsingafulltríi utanríkisráðuneytisns, staðfestir í svari við fyrirspurn DV, að málið sé á borði borgaraþjónustu ráðuneytisins, sem veitir ekki frekari upplýsingar um einstök mál.
