Reuters skýrir frá þessu og hefur eftir tveimur heimildarmönnum sem starfa við sölu á olíu. Upplýsingar úr staðsetningarkerfi skipa styðja þetta en á þeim sést að á annan tug olíuskipa, sem eru með um 10 milljón tunnur af olíu, hafa ekki hreyfst vikum saman.
Sky News segir að ástæðan sé erfiðleikar við að greiða fyrir olíuna og sífellt aukin áhrif refsiaðgerða Bandaríkjanna gegn Rússlandi.
Allt frá því að Rússar réðust inn í Úkraínu og Vesturlönd gripu til refsiaðgerða hefur ein stærsta áskorun Rússa verið að losna við olíu.
Indverjar, sem hafa verið einir stærstu kaupendur rússneskrar olíu í heiminum, glíma við greiðsluerfiðleika og hafa í auknum mæli leitað eftir olíu frá Miðausturlöndum.
